Nyawang ciptan kang agawe pikiran endah

 

Sembah nuwun, Gusti

Ingkang aweh rasa tresna marang manungsa

Supaya melu ngrumat alam

Lan ora tumindak ala uga ngrusak

6. Sekolah

Sekolahku,

Panggonku ngangsu kawruh

Dididik dening guru

Amrih dadi bocah kang mituhu

 

Sekolahku,

Gedungmu ora megah

Tegelmu dudu keramik

Nanging kenanganmu tansah takeling-eling

Baca Juga: Contoh Makalah SMA dan Strukturnya yang Benar, dengan Penjelasan

7. Kluwung - Soewardi Baroto Martono

Ora katon garising kikismu

Nadyan wilangane tinemu

Oncating citramu, ambabar banyu

Tuhu agung kersane Gusti

Riris … grimis endah dinulu

Agawe menebing lebu

Mahanani segering banyu

 

Ora geseh, eseme anuju prana

Tansah gawe brantaning driya

Ora kapiyarsa wuwuse wacana

Rinengga endahing solah bawa

Andelidir ponang kintaka

Binarung kidung asmara

 

Iba mulya raharja, rasaku

Datan ana kang ngreridu

Rinonce kehing wanodya yu

Andum prasetya tuhu

Woh aren …, asung pepeling

Endahing citramu, boya sumandhing

Ora beda ngendikaning biyung

Sliramu … andha widhodari … ya kluwung

8. Arga Iki - Siswidiadi Ngesti N

Mataun-taun

Sira ngrusak geger lan awakku

Makaping-kaping

Landhepe bendho lan pacul

 

Nyigar lemah subur dadi larik-larik tandur

Pokalmu mblandhong sapenak dhengkul…

Lemah ijo wis malih gundhul

Tirta musna ing mangsa ketiga

 

Ninggal belik nalika paceklik

Jare wadhuk dadi alesan

Ora bakal ana rampunge

Nadyan donya pisan

Denuntal sakabehe…

 

Yoh

Entenana

Yen tekan titi mangsa

Arga iki nagih prasetya…

Baca Juga: 21 Contoh Majas Hiperbola, Lengkap dengan Arti dan Penjelasan

9. Pendidikan

Sekolah papan panggonan ngangsu kawruh

Wiwit esuk tekan sore

Guru ngajari siswa kanthi sabar

Supaya dadi manungsa kang migunani

10. Alam

Sumilir angin pesisir

Bebarengan klawan ombak;

kang nabrak watu ing pinggir

Minangka tandha mangsa rendheng teka

Pra nelayan wiwit ngati-ati lunga segara

11. Lingkungan

Lara atiku nyawang alamku rusak

Sampah neng kali

Wit-witan ditegori

Lemah lan sawah dadi omah

Yen kaya mangkono

Anak putuku sesuk kudu menyang ngendi?

12. Guru

Guruku,

Sifatmu kang sabar

Sanajan aku ora bisa cepet paham

Bakal dadi semangatku kanggo tetep sinau

Baca Juga: 13 Contoh Puisi tentang Lingkungan dan Alam, Teguran dan Pujian