Peryogi kauninga ku urang sadaya bahwa dina sasih puasa teh aya sababaraha amalan anu tiasa ngaruksak kana ibadah puasa Ramadhan. Tapi, aya oge amalan anu tiasa ningkatkeun kualiats ibadah puasa ramadhan.

Amalan-amalan kangge ningkatkeun kualitas ibadah puasa Ramadhan tiasa dipilampah ku urang sadaya sangkan ibadah puasa urang sadaya janteun ibadah puasa anu ngagaduhan kualitas sae tur kenging kaberkahan ti gusti Alloh.

Anapon amalan anu matak ningkatkeun kualitas ibadah puasa urang sadaya nyaeta:

Baca Juga: 27 Rekomendasi Judul/Tema Kultum Ramadhan yang Menarik dan Inspiratif

1. Ngalakonan ibadah puasa kalayan niat anu ikhlas

Anu kahiji, lamun urang hoyong nggaduhan kualitas dina ibadah, khususna ibadah puasa urang kudu ngabogaan niat anu ikhlas karena Alloh.

Aya keterangan anu nyebutkeun bahwa saestuna sagala perkara gumantung kana niatna, jeung setiap jalma bakal ngngingkeun kana naon anu diniatanana. dumasar kana eta katerangan lamun jalma hoyong ngagaduhan kualitas dina ibadahna tangtu kudu miboga niat anu ikhlas.

2. Muasakeun sadaya anggota badan, kalebet hate jeung pikiran

Aanu kadua, nyaeta iyeu anu diistilakkeun ku Imam Al-Gozali anu di sebut puasa khusus anu di sebutkeun dina salah sawios kitabna nyaeta kitab ihya ulumiddin anu ditegaskeun ku ibnu qudamah dina kitab Mukhtashar Minhajul Qosidin.

Kahiji, puasa mata tina sadaya paningalna anu teu di ridoan ku gusti Alloh. Kadua, puasa letah tina nyarita bohong, gibah, nyarita kasar, jeung sajabana. Katilu, puasa cepil tina sadaya pangdanguna anu di makruhkeun oge di haramkeun ku Alloh.

Kaopat, puasa tangan tina midamel kadzoliman, nu Kalima, muasakeun sampean pikeun diarahkeun kana jalan anu di ridoan ku Alloh. Kagenep sareng katujuh muasakeun hate jeung pikiran tina sadaya panyakit hate jeung pikiran negatif.

3. Nyeueurkeun milampah amal soleh

Kangge ningkatkeun ibadah saom urang sadaya nyaeta nyeueurkeun amal soleh, diantarana bae nyeueurkeun maos Al-Quran, dzikir, maos solawat jeung shodaqoh oge amalan ibadah nu sejena.

Malihan urang sadaya kedah ngagaduhan hanca tadarus Al-Quran, minimal dina waktos sasasih teh tiasa ngahatamkeun al-quran 3 hataman. oge masih keneh seueur amlan anu tiasa ningkatkeun kualitas ibadah puasa ramadan.

Rupina, sakitu anu tiasa didugikeun, hapunten bilih aya kalepatan bahasa atanapi paribasa, hatur nuhun kana sadaaya perhatosanana. mudah mudahan aya manfaatna khusuusna kanggo diri pribados umumna kanggo sadayana.

Wassalamualaikum, Wr. Wb.

Baca Juga: Ceramah Singkat Tarawih 16 Maret 2024: Pahala Berpuasa ke-5 Setara Sholat di Masjidil Haram