Sonora.ID - Dalam buku berjudul Menggores Tinta Puisi dijelaskan bahwa puisi merupakan salah satu bentuk karya sastra yang dilukiskan dengan bahasa yang singkat, padat, dan indah.

Penulisan puisi terutama puisi lama pun harus memerhatikan aturan-aturan tertentu yang mengikatnya dari jumlah baris dalam setiap bait, jumlah suku kata atau kata dalam tiap-tiap kalimat atau barisnya, irama, dan persamaan bunyi kata atau irama.

Kini pun sudah banyak jenis puisi yang dijadikan sebagai bahan pembelajaran di sekolah. Salah satunya puisi Bali Anyar.

Berikut ini pun beberapa contoh puisi Bali Anyar yang terkenal dan dapat kamu jadikan sebagai referensi.

Baca Juga: 7 Puisi Motivasi Penyemangat nan Hangat dari Para Penyair Ternama

Contoh Puisi Bali Anyar

Jagat Bali

Karya: Tri Angarani

Jagat Bali…

Patut iraga lestariang

Apang tusing jagate

Usak turin daki

Yening jagate usak

Jagate lakar keni blabar

Blabar punika

Banjir, tanah longsor, linuh

Tur sane tiosan

Olih krana keto

Iraga patut nyaga tur ngelestariang

Jagat Bali

Lawate Samar

Karya: Gede Darna

Angin karone rauh saking kauh matalang

Bedbedan nistane sayan pageh ngelut kayun

Uduh.. Pinunase kagantung ring langit

Nanging pasihe aad, bulane kepangan

Wengine sampun ngundhap ring natahe

Natahin wadih i kala raune

Sane tan pacang ngetel yadian aketisan

Bungan tanjunge mabrarakan

Miike sampu kaisep antuk i buk selem

Katusuk ban i bulan mayang

Lawate sayan samar ring tembok panyengkere

Mangkin kantun tatun atine ring setra

Carik Beton

Karya: I Wayan Budayasa

Ejoh ngentungang peliat mata

Barak ngendih kakaton marcapadané

Ulap panes matanai tan sida katambakin bulun paningalan

Anginé ngemu panes ngosok padang ambengan tuh

Pakrésék pakrosok nyatuang kolongan embuh

Padiné kalah tegeh kalah gedé

Mesanding ngajak beton gedé ganggas

Kadirasa ten wénten sané wadi manungkas

Cariké kaungkulan olih wewangunan nyujuh langit

Nyepit, ngéwérin, nyumbungan déwék sambilang ngajengit

Né pipis.... mai alih...

Cén surat apang akurat..

Gaené aluh tusing perlu mesuang peluh...

Suara-suara ngandup-ngandupin apang sida percaya..

Bapak élah nganggoang kita ngaé duh kita

Tetamian luhuré piara diastu kerasa sengsara

Jelé melah gumi gelah

Meyasa, menyama, meyadnya apang sinah

Cara jani gumi kenyat, Keneh jengat, Uat pegat

Majalan Masuk

Karya: Ni Kadek Ratna Dewi

Matan ai suba menek

Siap suba mamunyi

Macihna dinane niki

Sampun semeng

Tiang lakar majalan masuk

Satonden majalan

Masuk

Tiang… mapamit teken

Meme miwah bapa

Galang Bulan

Karya: K Putru

Sangkaning tulus-dulur

kaduluran doning kaledangan

dangan makardi

ngardi ayuning galang pada

pada ayu mulaning sarat

sarat kayu

sarat bakti

bakti siniwi apan punika

i sasih mangawe girang

girang ipun i sekar gadung

gadang daun nyane mangrawe

ngawe sukaning ati

ati suci pinda widi

kawiden-ning sinar bulan

sangkaning punika raris ...

suara rereb gemuruh mengalup

ngalap kasor kengin mapiterang

miterangin antuk galang bulan

bulan purnamaning kapat?

Baca Juga: 10 Contoh Puisi tentang Cita-citaku Penuh Makna Untuk Memotivasi Diri

Ujan Bales

Karya: Suartiningsih

Ritatkala

Matan ai ne makere tuun

Katak dongkang

Macanda pada girang

Kelap-kelep di langite

Di gulem sane tebel

Yeh tukade maluab

Dini gumine peteng dedet

Bollywood lan Baliwood

Karya: Sukra Umanis Ukir

Holywood

Genah luh-luh huah

Dollywood

Genah luh-luh lulu

Bollywood

Genah luh-luh galuh

Baliwood

Genah luh-luh luih

Pasih

Karya: Marta

Dija iraga ngidang nyingakin

Bias putih lan yeh sane jernih

Dija iraga ngidang nyingakin

Matan ai sane galang

Dija ombak magirangan

Uling kangin

Ngaba yeh mauyutan

Lan bias pasih sane luung

Semengan lan peteng

Be be ne pada liang magirangan

Ditu di pasih

Gumi Wayah

Karya: Ni Kadek Nova Aprilia Wati

Rem-rem selem

Gurindam gurindem

Nngemu gulem

Masemu gelem

Kliab-klieb guminé

Karasa katangkeb langit

Peteng dedet

Klebat-klebét

Endihan tatit

Grudug yéh ngebyor

Grudug angin ngalinus

Grudug linuh magejeran

Grudug gunung makeplug

Tusing je ulian kuangan banten

Boya je karana kuang pakelem

Sing masi ulian widi duka

Suba aab gumi

Ngiring ngastiti

Ring Hyang Widhi

Dumadak baktiné kaaksi

Mangda sutrepti

Sami manggih santhi

Ngiring Hyang Widhi

Om shanti shanti shanti

Basa Bali

Karya: Suntari Pr

Tan uning titiang ring karanan ipun,

Suksman titiange kategul antuk benang sutra,

Ngranjing manyusup tulang ngantos ka sumsum,

Sane dados bagian awak titiange.

Sareng maurip saking ayunan ngantos kelih,

Seduke ngipi, mamanah tur ngamedalang rasa,

Ring sajeroning basa ibu,

Manah titiange sampun kelih antuk cayane,

Kaborbor sukman titiange antuk cayane,

Titiang manggihin pribadin titiange,

Titiang magubugan ring masyarakat,

Terus masemetonan sareng sawitra,

Baktin titiang ring rerama nenten ja kirang,

Kasih-kinasih sareng alit-alite,

Sane encen kirang kapikayunin,

Titiang nyelipang raos anyar,

Anggen titiang payas sane cocok ring kala puniki,

Kapanggih rupanipun ngenyagang manah. 

Baca Juga: Contoh Puisi Naratif Lengkap dengan Pengertian dan Jenis-jenisnya

Baca berita update lainnya dari Sonora.id di Google News.