Sonora.ID - Puisi dalam bahasa Jawa disebut dengan geguritan. Mengutip dari buku Teori dan Apresiasi Puisi: Pujangga Hujan, geguritan berasal dari kata dasar gurit yang berarti tatahan, coretan.

Geguritan merupakan bentuk puisi yang berkembang di kalangan penutur bahasa Jawa dan Bali. Geguritan ini berkembang dari tembang.

Dalam bentuk yang awal, geguritan berwujud nyanyian yang memiliki sanjak tertentu. Sementara itu, pengertian geguritan di Jawa telah berkembang menjadi bersinonim dengan puisi bebas.

Puisi bebas adalah sebuah puisi yang tidak mengikatkan diri pada aturan-aturan seperti metrum, sajak, dan lagu.

Berikut ini kami sajikan kumpulan contoh puisi bahasa Jawa dengan berbagai temanya yang menyentuh sebagai bahan referensi, dikutip dari berbagai sumber.

Baca Juga: 30 Contoh Puisi Karya Chairil Anwar yang Populer di Masyarakat

Contoh Puisi Bahasa Jawa

Contoh 1

Ibuku

Ibu…

Sapa kang bisa ngertia kau

Kajaba ibuku

Saben dina saben wektu

Ibu tansah ndidik awakku

Saben ibu duka marang aku

Lara tenan rasane atiku

Ibu…

Aku njaluk restu

Supaya anggonku sinau

Bisa migunani kanggo masa depanku

Ibu…

Aku tresna marang ibu

Tanpa ibu aku dudu sapa-sapa

Amarga ibu aku ana ing sonya

Maturnuwun ibu

Aku trena ibu

(Alfia Nisa Arahma)

Contoh 2

Tresna

Tresna kuwi sepele

Tresna kuwi ya kowe karo aku

Tresnamu kaya surya

Nanging ya kaya samudra

Tresnamu bisa nekakake mega

Nanging saiki tresnamu kaya dahana

Awit aku mbok tinggalna

Langit data peteng

Ora ana candra apa maneh kartika

Atiku kaya bawana sing lemahe nela-nela

Maruta, kandhakna yen aku isih tresna

Contoh 3

Pak Tani

Pancen leluhur bebudenmu

Urip prasaja ora kesusu

Ana ing desa kang asri

Urip rukun dadi petani

Tanduran digulawenthah ngati-ati

Gotong royong iku wis mesthi

Asile dienteni wong sanagari

Ora lali syukur rina wengi

Bu Tani uga pola

Nyiapake dhaharan ana ing omah

Banjur digawa menyang sawah

Dhahar ing galengan kanthi bungah

Contoh 4

Wewayangan

Panguripanmu wus ginurit

Ing gelare kelir jagad gumelar

Surya pinangka blenconge

Bumi pinangka deboge

Lelakonmu dadi gancare carita

Kang sinanggit Kang Murba Kawasa

Binabar ing pangucap lan polah tingkah

Tangis lan guyu gegen hingane

Banjur kapan babare lelakon

Sawangen polahe kayon

Jejeg miring mirong ngetan mangulon

Sabdane Hyang Manon humiring gen hing sabda kun

Ginarebeg pra widadara widadari

Mungkasi lakon sawengi iki

(Supriyadi)

Contoh 5

Anggerku

Ngger,

Biyung nyuwung ngapura

Ora bisa dadi biyung kang sampurna

Ora bisa ngelagkne atimu

Ngger,

Uripu kebak kaluputan

Ngiwa luput, nengan luput

Rumangsaku aku wis manut

Bangun turut karo sin jare winasis

Nanging nyatene isih tetep luput lan dilaputne

Lara atine biyung, ngger

Kepengin crita wae

Ora enak sing gelem krungu

Ape maneh sambat, mung arep digeguyu

Kabeh iki nyatane ngapusi

Nanging biyung isih tetep percaya, ngger

Mung siji sing ora bakal ngapusi

Gusti Kang Maha Agung

(Sunarti)

Contoh 6

Guru

Cahyaning ati

Polahmu digugu lan ditiru

Pahlawan ilang tanpa pamrih

Jasamu sak dawaning jaman

Mula...

Bektia marang guru

Kang dadi boring pendidikan

Kan mandhengani pembangunan moral

Baca Juga: 8 Contoh Puisi Bahasa Jawa tentang Alam Singkat dan Bermakna Dalam

Contoh 7

Ngejaman

Jam

gumingsiré kala

dhedhongkèl mangsa lumuh cidra

sengkala tidha ngresepi dina

Jam

panjiret lena

wanciné lingsir sakèhing langsir

pasang brahala rakit walat cintraka

gèsèh gesahing lampah Sang Murwakala

Ngejaman seksi jaman

Yogya kang gumléwang ngetus ampas panandhang

kangslupan watak sabrang

awak-awak adus tirta sumuk sumeng angleng rata

nitik laku lampah cidra

(Purwadmadi)

Contoh 8

Kanggo Kanca

Biyen, tanganmu genggem tanganku

Biyen, pundakmu enek kanggo aku nangis

Biyen, guyumu nentremke atiku

Nanging saiki….Tangan, pundak, guyumu ilang saka uripku

Kanca-kancaku kabeh, bayangna

Apa sajatining kahanan sajroning dunya

Yen ora ana welas lan asih

Ora ana uga kekancanan tanpa pamrih

Ing sakjroning manah atiku

Aku ngrasakna kepengin ngamuk wektu iku

Kanca lan kancaku

Elinga rasa atiku iki

Jaganen rasaning welas asih iki

Contoh 9

Gusti

Gusti…

Dalem namung tiyang kang lemah

Kang boten saged mlampah piyambak

Gusti…

Dalem namung tiyang ingkang gampil gripil

Tansah kegoda kesenengan donya

Gusti…

Hamung siji panyuwunku

Tuntun dalem wonten ing margi kang padhang gusti

Duh Gusti…

Contoh 10

Layang Kanggo Emak

Mak, sliramu anyeksèni kridhaning aji kabudayan manungsa Jawi

tansah uga cinathet sesuluh hamemayu hayune nagara iki

wiwit saka jaman Kartini

kenceng ancas ing nguni:

sluman-slumun yasa dadi ramu

lembah manah tansah dadi sangu

“Aja ketungkul marang kalungguhan, kadonyan, lan kamareman

aja gumunan, aja getunan, aja kagètan, aja aleman

aja pisan-pisan gumun angadhepi mompyoré jaman iki

aja getun jroning panemu kang becik

aja kagèt kabèh iku mung pethingan

aja aleman ginayuh nyandhak sesawangan kekarepan”

Mak, senajan aku wong dhusun

wiwit cilik tansah nelangsa lan getun

pakaryanku mung tandur karo matun

nanging ora kendhat anggonku dikon kèri

sabab akèh sawan manis sing tansah mbebayani

Mak, najan pangkat luwih cilik, urip butuh diajèni

sing kudu kasinau, bab bakuné kadewasan dhiri

dadia wong kang piguna

rawé-rawé pait getirira dèn rantasi

ngadeg jejeg ora pijer miyar-miyur

sarwa ndedonga kabèh kagungane Ingkang Maha Widhi

Mak, sembah sujud tambahing pangèstu

aku amung saderma

ora nékad mring kang ala

kabèh iku merga ati rinasa prungsang

laras pénak lamun suci

kanggo pathokan gesang

tata tentrem lair kalawan batin

(Dandung Adityo)
Contoh 11

Carita Wayang

Sapa kandha wayang kuwi kuna?

Yen durung ngerti lakuning crita

Wiwit jejer tekaning paripurna

Dudu amung rikala gara-gara

Rentep-rentep piwulang kagambarna

Tindak-tanduk uga tata krama

Kang bisa tansah ngrembaka

Saka isining carita kang kababar

Kababar pitutur suci tumrap dhiri

Dhiri kang tansah nguri-uri

Nguri-uri kabudayan Jawa suci

Miguna mring nagari

(Eko Wahyu Nugroho)

Contoh 12

Korupsi

Abang putih ngadek duwur ing langit pertiwi

Wujud getih lan balung para pahlawan

Apa  kowe pada eling?

Miline luh lan kringet kang pada kebacut tumbal

Tumbal kanggo kemerdekaan

Saiki apa malah kowe ngapusi, kowe korupsi

Pikiranmu amba kebak arta

Raimu wes ra duwe isin

Dijak rembug malah angler

Rakyatmu pada kuru, malah kowe lemu

Rakyatmu pada mlarat, malah duitmu sak arat-arat

Mulane, sing pada makmur sapa?

Ora liyo neh yaiku kowe lan kanca-kancamu

Sing pada tumindak ala ing rakyatmu

Mula, ayo pada bareng-bareng brantas opo iku korupsi

Supaya pada mbangun bangsa lan Negara Indonesia ingkang sumringah

Bangsa lan Negara kang apik budi lan pinutur

Bangsa lan Negara kang sejahtera lan makmur.

Baca Juga: 7 Contoh Puisi Balada yang Terkenal dan Mengandung Nilai Karakter

Baca berita update lainnya dari Sonora.id di Google News.