Sonora.ID - Kamu dapat menyimak penjelasan tentang 20 contoh puisi Bahasa Bali berikut ini yang memiliki ragam tema dengan makna di dalamnya.

Puisi adalah karya sastra yang digunakan untuk menyampaikan perasaan serta pemikiran melalui berbagai bahasa, salah satunya adalah Bahasa Bali.

Untuk bisa membuat puisi dalam bahasa tersebut dengan mudah, kamu bisa menyimak beberapa contoh puisi Bahasa Bali terlebih dahulu.

Contoh puisi ini memudahkan kamu dalam mencari inspirasi ide yang akan disampaikan melalui karya sastra tersebut, sehingga tercipta puisi yang indah.

Berikut Sonora ID bagikan rangkuman lengkap terkait 20 contoh puisi Bahasa Bali yang bisa kamu jadikan sebagai referensi.

1. Puisi Bahasa Bali I

Baca Juga: 15 Contoh Puisi 2 Bait, Berbagai Tema untuk Jadi Inspirasi!

Bollywood lan Baliwood
Karya: Sukra Umanis Ukir

Holywood
Genah luh-luh huah

Dollywood
Genah luh-luh lulu

Bollywood
Genah luh-luh galuh

Baliwood
Genah luh-luh luih

2. Puisi Bahasa Bali II

Pakleling

Gumi suba wayah
Kadi rasa berag nandang layah
Tuara ada ne ngenah
Makejang pada ngendah

Suba liu jani benyah
Pegat tan pakah
Kahyim ba goyah
Enggal suba serah

Elingang jadma corah
Karmane tan salah
Anggen pawarah
Minab sampun katah

Lali ring natah

3. Puisi Bahasa Bali III

Car Free Day lan Car Everyday
Sabeh-sabeh yata panes banteng
Saking budha cemeng ngantos budha cemeng
Saking semeng ngantos tengah lemeng
Saking tengah lemeng ngantos semeng
Salaksa majeljel montor alit ageng
Ngebekin margi ngindeng-indeng
Gering magarang mengerung gerang-gereng
Maluab dot malaib ngacueng
Kemawon sami ngubeng kablengbeng

Amunika margine linggah lempeng
Metu cupek tur capeng
Montor bontok dawa neng apeneleng
Sami brangseng
Uat baong kenceng
Saling nengneng saling cureng
Saling peleng saling kampleng
Nigtig bel kemprang-kempreng
Kuping empeng
Sirah pengeng
Kota dados geseng
Kari saling pakereng
Numbas montor seneng-seneng
Yadiastun mael nglueng
Car free day kauleng
Ngindengang montor paturt pitet kengkeng
Mangda denpasar sareng keneng-keneng
Car everyday sane maimbeng
Nguyeng tempeh ring margi lemah peteng
Mangda denpasar mabading badeng

4. Puisi Bahasa Bali IV

Jagat Bali
Karya: Tri Angarani

Jagat Bali…
Patut iraga lestariang
Apang tusing jagate
Usak turin daki

Yening jagate usak
Jagate lakar keni blabar
Blabar punika
Banjir, tanah longsor, linuh

Tur sane tiosan
Olih krana keto
Iraga patut nyaga tur ngelestariang
Jagat Bali

5. Puisi Bahasa Bali V

Voice lan Noise

Minabko galah sampun dis
Raos lamis mangkin lais
Kumuh manjakin waduk bengkis
Ngayahin pala polo pula-pali politis
Pasametonan ngancan tipis
Nemah misuh nenten gigis
Lagute layah tan pakarcis
Bibih tan pagaris lis
Ngawe tangkah kadi kaiis

Ngulati tis nampati kritis
Ngacep kalis tancep kumis
Ngalih peris polih deris
Ngunduh toris rauh teroris
Ngruruh voice pangguh noise

Wusan amunika mecuk alis
Nyelet keris nganggar linggis
Ngiring matembang dandang gendis
Ngengkem madu ngemu manis
Nyolahang tari blibis
Nyarengin sabeh ngripis suaran kedis
Ampehang angin aris
Ring nusantara jengkis tan pakikis

6. Puisi Bahasa Bali VI

Masekolah

Kruyuk… Kruyuk munyin siape
Tekak… Tekok munyin penginane
Metanda jagat sampun semeng
Sang Hyang Surya menyinarin jagate sami

Kedis-kedis sane menguci
Serase nundun tiang uling ngipi
Titiang metanggi, ngelantas manjus
Taler nyiapang buku-buku pepelajahan

Dina sane mangkin
Titiang jagi ngranjing ka sekolah
Apang polih kaweruhan
Nenten lali

Mepamit saking guru rupaka
Apang iraga selamet rahayu

7. Puisi Bahasa Bali VII

Carik Beton
Karya: I Wayan Budayasa

Ejoh ngentungang peliat mata
Barak ngendih kakaton marcapadané
Ulap panes matanai tan sida katambakin bulun paningalan
Anginé ngemu panes ngosok padang ambengan tuh

Pakrésék pakrosok nyatuang kolongan embuh
Padiné kalah tegeh kalah gedé
Mesanding ngajak beton gedé ganggas
Kadirasa ten wénten sané wadi manungkas

Cariké kaungkulan olih wewangunan nyujuh langit
Nyepit, ngéwérin, nyumbungan déwék sambilang ngajengit

Né pipis.... mai alih...
Cén surat apang akurat..
Gaené aluh tusing perlu mesuang peluh...
Suara-suara ngandup-ngandupin apang sida percaya..

Bapak élah nganggoang kita ngaé duh kita
Tetamian luhuré piara diastu kerasa sengsara
Jelé melah gumi gelah
Meyasa, menyama, meyadnya apang sinah
Cara jani gumi kenyat, Keneh jengat, Uat pegat

Baca Juga: 15 Puisi Hari Pramuka 14 Agustus 2023 yang Singkat dan Sesuai Tema

8. Puisi Bahasa Bali VIII

Guru

Guru sebilang wai ngajahin di muka kelas,
Pinaka model, ngemaang conto,
Guru setata melajah, melajah,
Anggon ngajahin.

Dumogi ngaenan murid sane maguna,
Guru pinaka pahlawan tapa tanda jasa,
Sane makarya anggen ngeduegan sisya-sisyane.

Guru patut kagugu lan kaconto,
De pesan lempas tekenin guru,
Puntul-puntulan tiuk, yening sangihin pasti mangan.

9. Puisi Bahasa Bali IX

Gumi Wayah
Karya: Ni Kadek Nova Aprilia Wati

Rem-rem selem
Gurindam gurindem
Nngemu gulem
Masemu gelem
Kliab-klieb guminé

Karasa katangkeb langit
Peteng dedet
Klebat-klebét
Endihan tatit

Grudug yéh ngebyor
Grudug angin ngalinus
Grudug linuh magejeran
Grudug gunung makeplug

Tusing je ulian kuangan banten
Boya je karana kuang pakelem
Sing masi ulian widi duka
Suba aab gumi
Ngiring ngastiti
Ring Hyang Widhi

Dumadak baktiné kaaksi
Mangda sutrepti
Sami manggih santhi
Ngiring Hyang Widhi
Om shanti shanti shanti

10. Puisi Bahasa Bali X

Luwu

Dini ade luwu
Ditu ade liu
Ane ngae bengu
Sing ade ngarungu

Ah… mare wawu
Men jani enu
Jelenjingane mas ngemu
Margine milu beru

Keweh yen ajak liu
De nyen milu
Awige sube dini ditu
Sing masi ade rungu

Ane jelek bengu, ento sube luwu
Nyakitin nekang pikobet, masi luwu
Ngusak gumi masi luwu
Milu dadi luwu?

11. Puisi Bahasa Bali XI

Palakarma

Dot pisan ngerasayang
Nénten sekadi sapuniki
Sios ring kahuripan mangkin
Baat kerasa yan pinehin
Yan gandong tan urungan bah
Yan suwun tan sida baan
Sapunapiang mangkin?
Ngrugtug rasa tangkahé
Telas rasa bayuné
Minab puniki kabaos palakarma
Rasa ibuk maadukan
Dados ké puniki anggén pariselsel?
Idup wantah mabekel karma
Ngiring marginin
Kasép

12. Puisi Bahasa Bali XII

Semeng

Suryane endag menyuryanin
Ketelan damuh ngulangunin
Munyin kedise saling pasautin
Karuyuk siape sane ngamaluin

Anget-anget, angin dingine ngampehin
Bamban ayu saling asihin
Suarga lokane buka nindihin
Nginyah, kijap-kijap, ambune pabalihin

A gelas teh anget tusing kalempasin
Tekek gisiang gerosin
Semenge ene sida kaluwihin
Dasarin sakeng ati sane luwih

13. Puisi Bahasa Bali XIII

Suung

Sira ruruh
Sira jujuh
Sami jaga tandruh
Wantah lintang kewuh
Ngruruh sane during kaweruh

Sira ruruh
Dados gupuh
Gipih nyujuh
Nyujuh tan pasuluh
Janten tan kapangguh

Napi ruruh
Napi jujuh
Ring dija ruruh
Sane tan kapanggih
Yan during raga sutindih

Janten sami suung
Puyung, mangmung, ngluwung
Doning wantah ida maraga suung

14. Puisi Bahasa Bali XIV

Sira Ane Menahin?

Sang surya sampun rauh
Kumbange liang ngisep sari
Kedise mekeber lan megending
Luung lan asri

Keto anake ngorahang
Kupu kupune ngigel ajak timpalne
Sekadi liang tanpe sebet
Iraga sareng sami patut nyaga kelestarian alarm iriki

Yen suba benyah
Sira ane menahin?
Iraga!

Uling cenik kanti kelih iraga iriki
Ten patut yen iraga menyahin alam iriki
Iraga patutne bhakti lan matursusksma ring alam iriki

15. Puisi Bahasa Bali XV

Margarana

Driki tiang nguntul ngebiosang yeh mata
Kangen manah titiang ngantenang
Tugu para pahlawane sami
Majujuk ngebekin tegalan
Pahlawan-pahlawan sane tan madue pamerih
Nyikiang raga melanin negara
Ngicalang meseh jagi mewali
Nyajah gumin i raga
Duk punika tahun 1945
Jagat Indonesiane sampun mahardika
Truna-truni dados pamucuk
Sakadi satria wira nangkepin meseh
Pejah ring rananggana
Punika kasengguh pahlawan
Kasub makuub jagat I raga

Baca Juga: 10 Puisi Tentang Alam yang Singkat namun Sarat dengan Makna!

16. Puisi Bahasa Bali XVI

Mabakti Ring Pura

Marep hatur tiang mabakti
Ngaturang sembah majeng ring hyang widhi
Suara gentene kadi sunari
Lan suara kidunge saling pesautin

Pelinggih ring pura tegeh nyujuh langit
Berak putih selem tri warna
Malebur sami dados siki
Ang Ung Mang kata menunggil

Malambang Ong kara murti
Ngacep karahayuan gumi
Wangsa muah negari
Landuh rajeng kerta sami

17. Puisi Bahasa Bali XVII

Bayang Samar

Angin karo berembus sunyi dari barat
Setia sengsara membelengu pikiran
Duhai.. Di langit tergantung harapan
Namun lautan surut, bulannya gerhana
Malam terkantuk di halaman
Menanti sisa si kala rau
Tak kunjung menetes seserpih pun

Bunga tanjung terburai
Harumnya terisap debu hitam
Tertusuk si bulan pucat
Di batas tembok bayang semakin samar
Hanya luka tersisa di pusara

18. Puisi Bahasa Bali XVIII

Ujan Bales

Ritatkala
Matan ai ne makere tuun
Katak dongkang
Macanda pada girang

Kelap-kelep di langite
Di gulem sane tebel
Yeh tukade maluab
Dini gumine peteng dedet

19. Puisi Bahasa Bali XIX

Lawate Samar
Karya: Gede Darna

Angin karone rauh saking kauh matalang
Bedbedan nistane sayan pageh ngelut kayun
Uduh.. Pinunase kagantung ring langit
Nanging pasihe aad, bulane kepangan
Wengine sampun ngundhap ring natahe
Natahin wadih i kala raune
Sane tan pacang ngetel yadian aketisan

Bungan tanjunge mabrarakan
Miike sampu kaisep antuk i buk selem
Katusuk ban i bulan mayang
Lawate sayan samar ring tembok panyengkere
Mangkin kantun tatun atine ring setra

20. Puisi Bahasa Bali XX

Majalan Masuk

Matan ai suba menek
Siap suba mamunyi
Macihna dinane niki
Sampun semeng
Tiang lakar majalan masuk

Satonden majalan
Masuk
Tiang… mapamit teken
Meme miwah bapa

Itulah ulasan tentang 20 contoh puisi Bahasa Bali yang dapat kamu jadikan sebagai referensi dalam penulisan; sudah dapat idenya?

Baca berita update lainnya dari Sonora.ID di Google News.