Sonora.ID - Simak contoh geguritan bahasa Jawa tema lingkungan berikut ini.

Geguritan atau puisi Jawa diartikan sebagai seni yang ditulis dengan bahasa Jawa dan biasanya dibacakan dengan tembang yang indah.

Sonora.ID merangkum sederet contoh geguritan bahasa Jawa tema lingkungan berikut ini:

1. Saumpama

Sliramu ayu banget
Daksawang saben esuk
Nalika bun-bun esukmu teka
Gawe segering netra

Gegodhongan ijo sarta arume kembangmu
Ngungkulake tresnaku marang sliramu
Pengin dakjaga sarta dakrumat sliramu
Supaya sliramu bisa melu njaga lestarine jagad

Saupama ijone godhongmu bisa ngasilake wifi
Samesthine bakal akeh wong kang nandur slirane
Mung bisa ngasilake hawa
Kang gunane kerep dilalekake

Baca Juga: Contoh Kalimat Ngoko Lugu dalam Bahasa Jawa Beserta Terjemahannya

2. Bengawan Solo

Senajan ilimu saiki kebak klawan larahan
Kasunyatane sliramu isih saguh nyathet lakune jaman
Abang birune kahanan
Kagambar kanthi cetha ing iline banyu sing sajak kabotan
Anggene nggembol cangkriman
Ing kene wis ora ana prau lelayaran
Bandar-bandar ing sapinggire bengawan
Wis padha mati
Kapendhem larahan

Baita-baita sing duk semana
Kekitrang nyigar iline banyu bengawan
Saiki padha tapa
Amarga kayu-kayune wis malih rupa dadi terbela
Sing akeh didol ing sakidule prapatan gading
Yen manungsa wis padha lirwa klawan alam
Mula aja disalahke
Yen ana nesune alam
Kang akeh gawe kapitunane manungsa

3. Tanpa Kena Dinuga

Yen tengah wengi iki slirane isih durung merem
Muga wae isih bisa nemu esem
Minangka gegaman kanggo ngadhepi jaman
Kang kebak larahan

Ing kene daktandur pangarep-arep
Enggal akeh wong pinaringan kesadharan
Amrih ngerti wigatine karesikan tumrap panguripan
Yen tengah wengi iki slirane durung merem
Sawangen lintang-lintang sing katon surem

5. Sejatining Usada

Muga wae sliramu isih kadunungan kasabaran

Rikala ngadhepi pait getiring kasunyatan

Nalika akeh manungsa seneng mbuwang larahan

Kanthi sembaranan tanpa ngerti empan papan

Kali, segara, lan sumber banyu wis kebak larahan

Saengga akeh lelara kang kerep njaluk tumbal nyawa

Muga wae isih padha nduweni kalodhangan

Kanggo nyawang padhange rembulan

Sabubare ngresiki sakehing larahan

Saka tengahe blumbang

Kang sasuwene iki dadi sumbere lelara

Baca Juga: Lirik Lagu 'Ngeluwihi' - Tiara Andini, dengan Terjemahan

6. Usada Utama