Sonora.ID – Berikut contoh khutbah Jumat bulan rajab bahasa Sunda terbaru, yang singkat tapi menyentuh hati.

Menurut kalender Hijriyah yang dirilis Kementerian Agama RI, tahun ini bulan rajab berlangsung pada 13 Januari-10 Februari 2024.

Bulan Rajab merupakan bulan yang mulia buat umat Islam. Oleh karenanya, muslim dianjurkan untuk melakukan berbagai amalan baik.

Maka dari itu, bulan rajab sangat cocok untuk dijadikan sebagai tema khutbah Jumat.

Sebagai referensi, berikut 3 khutbah Jumat bulan rajab bahasa Sunda terbaru, singkat tapi menyentuh hati.

Baca Juga: 3 Khutbah Jumat tentang Bulan Rajab Singkat, Penuh Makna dan Menyentuh 

Khutbah Jumat Bulan Rajab Bahasa Sunda 1

بِسْمِ اللهِ الرَّحْمَنِ الرَّحِيْم
السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ
 اَلْحَمْدُ ِللهِ الَّذِيْ أَحْرَمَ رَجَبَ بِإِسْرَاءِ الرَّسُوْلِ مِنَ الْمَسْجِدِ الْحَرَامِ اِلَى الْمَسْجِدِ اْلأقْصَى وَالَّذِيْ يَأْمُرُنَا بِالتَّقْوَى طُوْلَ عُمُوْرِنَا ، نَحْمَدُهُ وَنَسْتَعِيْنُهُ فِيْ كُلِّ أَهْوَالِنَا ، أشْهَدْ أنْ لاَ إلَهَ إلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ ، وَالصَّلاَةُ وَالسَّلاَمُ عَلَى أشْرَفِ عِبَادِهِ سَيِّدِنَا مُحَمَّدٍ وَعَلىَ اَلِهِ وَصَحْبِهِ وَعِتْرَتِهِ ، أمَّا بَعْدُ.
فَيَا أيُّهَا النَّاسُ أُوْصِيْكُمْ  و إِيَّايَ بِتَقْوَى اللهِ فقد فاز المتقون
قَالَ اللهُ سُبْحَانَهُ وَتَعَالَى:  إِنَّ عِدَّةَ الشُّهُورِ عِندَ اللهِ اثْنَا عَشَرَ شَهْرًا فِي كِتَابِ اللَّـهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ۚ ذَٰلِكَ الدِّينُ الْقَيِّمُ ۚ فَلَا تَظْلِمُوا فِيهِنَّ أَنفُسَكُمْ ۚ وَقَاتِلُوا الْمُشْرِكِينَ كَافَّةً كَمَا يُقَاتِلُونَكُمْ كَافَّةً ۚ وَاعْلَمُوا أَنَّ اللَّـهَ مَعَ الْمُتَّقِين 
 وَقَالَ رَسُوْلُ اللهِ صَلَّى اللهُ عَلَيْهِ وَسَلَّمَ : إِنَّ فيِ الجَنّةِ  نَهْرًا يُقَالُ لَهُ رَجَب أَشَدّ بَيَاضًا مِنْ اللبنِ وَأَحْلَى مِنْ العَسَلِ، مَنْ صَامَ يَومًا مِنْ رَجَب سَقَاهُ اللهُ  ِمنْ ذلِكَ النَهَارِ.

Ma’asyirol Muslimin Rohimakumullah,

Puji syukur urang sami-sami panjatkeun ka hadirat Alloh SWT anu senantiasa maparinan mangpirang-pirang nikmat anu teu kaetang ku urang sadaya. Nikmat anu terus teu aya putus ka satiap makhlukna.

Diantawisna mangrupi kasehatan, rezeki sareng umur, kulawargi anu bageur, oge kasempetan kanggo ngalaksanakeun Ibadah sholat Jumat anu Mulia dinten iyeu.

Sholawat sinareng salam mugia salamina tetep dilimpahkeun ka jungjunan urang sadayana, Kanjeng Nabi Muhammad SAW, oge ka kulawargina, ka para sahabatna, sareng ka sadaya ummatna anu taat jeung cinta ka Alloh sareng rosulna dugikeun ka akhir zaman.

Salajengna, khotib ngawasiatkeun, khususna ka diri khotib pribadi, umumna ka sadaya jama’ah, hayu urang ningkatkeun katakwaan ka Allah SWT, kusabab katakwaan eta nu bakal jadi pibekelen urang ka akherat. 

Ma’asyirol Muslimin Rohimakumullah,

Dinten ieu, Alhamdulillah urang parantos aya dina kaping 6 Rajab 1444 H. sasih rajab teh, di ayat anu tadi diaos, termasuk kana Salah sahiji ti opat sasih anu di muliakeun ku Alloh SWT, perkara opat sasih anu dimuliakeun Alloh, Rosulullah ngajelaskeun dini hiji hadits.

 ألاَ إنَّ الزَمَانَ قَدْ اسْتَدَارَ كَهَيْئَتِهِ يَوْم خَلَقَ اللهُ السَّمَوَاتِ وَالْأرْضَ، السَّنَةَ اثْنَا عَشَرَ شَهْراً، مِنْهَا أرْبَعَةُ حَرَمٌ ثَلَاثَةٌ مُتَوَالِيَاتٌ ذُو القَعْدَةِ وَذُو الْحِجَّةِ وَالْمُحَرَّمُ وَرَجَبُ مُضَرُّ بَيْنَ جُمَادِى وَشَعْبَانَ. مُتَّفَقٌ عَلَيْهِ 

Ma’asyirol Muslimin Rohimakumullah,

Ayat sareng hadits tadi nunjukeun, yen opat sasih anu disebatkeun teh sasih anu mulia, maka satiap jalma mukmin kedah ngamuliakeun sasih-sasih eta, ayeuna urang aya di sasih rajab, Ku cara kumaha urang ngamuliakeun bulan Rajab teh ?

 فَلَا تَظْلِمُوا فِيهِنَّ أَنفُسَكُمْ ۚ 

Di opat sasih anu dimuliakeun eta maraneh ulah saling ngadzoliman.

Buya Hamka dina tafsir al-azharna ngajelaskeun yen dina sasih anu opat eta haram hukumna kanggo perang, mibanda harta batur, ngabales kagorengan jeung kagorengan.

dina keterangan anu sanesna, dimuliakeunana tilu bulan anu patutur teh, nyaeta kanggo persiapan ibadah haji, sasih hapit biasana jalmi ngawitan perjalanan kango angkat ka mekkah, sasih rayagung nyaeta waktosna ibadah haji, sasih muharram, nyaeta mulihna jamaah haji ka negara masing-masing. anapon rojab parantos dimuliakeun ti kawit zamana nabi Ibrahim sareng Nabi Ismail A.S. bahkan gaduh sebatan anu mulia nyaeta “Syahrullah” sasihna gusti Allah.

Kamuliaan sasih rojab anu sanesna nyaeta, aya peristiwa bersejarah, dimana di kaping 27-na, junjungan urang sadayana kanjeng Nabi Muhammad SAW.

di-isrokeun ti masijidil haram ka masjidil aqsho. lajeng dimi’rojkeun ti Baitul maqdis ka shidrotul muntaha, nyaeta tempat anu pangluhurna, matur ka gusti Allah oge awal mula diparentakuenana sholat anu lima waktu.

matak para ulama ngajelaskeun saha-saha anu ngalaksanakeun kahadean ku niatan ngamuliakeun sasih rajab bakal dilipatgandakeun pahalana, jeung saha-saha anu migawe kagorengan di sasih anu dimuliakeun ku sakabeh alam ieu, bakal dilipatgandakeun oge dosana, Walloohu a’lam.

Ma’asyirol Muslimin Rohimakumullah,

Dina sasih ieu oge, urang ge diperintahkeun kanggo ngalaksanakeun puasa sunnah, sabab dawuh kanjeng nabi Muhammad SAW:

إِنَّ فيِ الجَنّةِ  نَهْرًا، يُقَالُ لَهُ رَجَب، أَشَدّ بَيَاضًا مِنْ اللبنِ، وَأَحْلَى مِنْ العَسَلِ، مَنْ صَامَ يَومًا مِنْ رَجَب سَقَاهُ اللهُ ، مِنْ ذلِكَ النَهَارِ.

Maka hayu urang ajak diri pribadi sareng kulawargi urang masing-masing kanggo ngalaksakeun saum sunnah, minimal dina sasih ieu tiasa saum sadinten, boh di awalna, tengahna atanapi akhirna.

tiasa oge midamel saum senen kemis atanapi daud dina sasih ieu, tiasa oge anu langkung utami, ngalaksnakeun amalan para sesepuh shaum tilu sasih berturut-turut, nyaeta rajab, ruwah sareng romadhon ku niatan nyakeutkeun diri ka gusti Allah.

sabab dina hiji keterangan, salah sawios amalan anu pahala langsung dipaparin ku gusti Allah nyaeta amalan shaum. 

Ma’asyirol Muslimin Rohimakumullah,

Amalan sanesna anu tiasa urang seueurkeun dina sasih ieu nyaeta nyeueurkeun istigfar, nyuhunkeun dihapunten sagala dosa ku Allah SWT, istighfar sasih rojab, anu parantos diuninga ku sadaya nyaeta, 

رَبِّ اغْفِرْ لِي وَارْحَمْنِي وَتُبْ عَلَيَّ

Para ulama nyebatkeun, liana ti ulah ngadzolman batur, nyeueurkeun puasa sunnah sareng nyeueurkeun istigfar, nyaeta kedah ngaos du’a anu kantos dicontohkeun ku nabi Muhammad SAW. Nyaeta do’a bulan rajab anu kalimatna sapertos ieu : 

اللَّهُمَّ بَارِكْ لَنَا فِيْ رَجَبَ وَشَعْبَانَ وَبَلِّغْنَا رَمَضَانَ

Ma’asyirol Muslimin Rohimakumullah,

Hayu urang sami-sami tingkatkeun kataqwaan ka Alloh SWT, kalayan kataqwaan anu sabener-benerna. Urang kedah yakin dina mentaati parentah-parentah Alloh sareng Rosulna, oge nebihan sajauh-jauhna naon rupi anu dilarang ku Alloh sareng Rosulna.

Kasempetan Bulan Rajab anu dongkapna sataun sakali ieu, kedah dimuliakeun ku urang sakumaha anu diparentahkeun.

Sakali deui urang ngadu’a pamugia urang sadaya ditetepkeun janten ahli ibadah, digampilkeun sagla rupi urusanana, ditebihkeun tina sagalrupi panyawat sareng balaya, 

 بارَكَ الله لِيْ وَلَكُمْ فِي الْقُرْآنِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ لْحَكِيْمِ. أَقُوْلُ قَوْلِيْ هذا وَأَسْتَغْفِرُ اللهَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ، فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ 

Khutbah Jumat Bulan Rajab Bahasa Sunda 2

الحمدلله الّذي أعظَمَ على عبادهِ الْمِنَّةَ والحكمةَ وجعلَ في جميعِ أفْعَالِهِ مِنَ الْمَنَا فعِ الْكثِيرَةِ الَّتِي لَا يَفهَمُهَا إلَّا ذَوُالبَصِيرَةِ الصَّحِيْحَةِ أشهد أن لااله الّا اللّه وحده لآشريك له و أشهد أنّ محمّدا عبده ورسوله أَلْمُؤَيَّدُ بِاالْمُعْجِزَةِ وأصلّى وأسلّم على سيّدنا محمّدٍ قَاءِدِ الخَلقِ إلى السّلامةِ و على اله وأصحابه ذَوِالْهِدَايَةِ و مُحْيِى الْكِتَابِ والسُّنَّةِ فيا أيُّهَاالنَّاس إتَّقُ اللّه حقَّ تُقَاتِهِ تَفُوزُو بِا المَغفرةِ والرَّحْمَةِ وافْعَلُو الْمَؤْمُورَاةِ واتْرُكُواالْمَنْهِيَّاتِ كَيْ تَفُوزُوا فِى الدُّنْيَا والاخرة وَإذا قَرَأتَ الْقُرْأَن فَا سْتَعِذْ بِا اللّه من الشّيطان الرّجِيم

قَدْ اَفْلَحَ الْمُؤْمِنُوْنَ ۙ - ١ الَّذِيْنَ هُمْ فِيْ صَلٰو تِهِمْ خَاشِعُوْنَ - ٢ وَالَّذِيْنَ هُمْ عَنِ اللَّغْوِ مُعْرِضُوْنَ ۙ - ٣ وَالَّذِيْنَ هُمْ لِلزَّكٰوةِ فَاعِلُوْنَ ۙ

Para hadirin sadaya.

Sadaya puji disanggakeun ka hadirot Allah SWT, rohmat sareng salam kawilujengan mugi diwuwuhkeun ka Kanjeng Nabi Muhammad Saw, para kulawargi, para sahabat sareng umatna dugi ka poe kiamah.

Para hadirin sadaya 

Upami nitenan kana kautamaan rupi-rupi ibadah ka Allah, telela pisan yen solat teh mangrupi ibadah anu pangpentingna sareng pangageung hikmahna saparantos maca syahadat. Geura mangga lenyepan padawuh Allah anu kieu unggelna : 

اُتْلُ مَآ اُوْحِيَ اِلَيْكَ مِنَ الْكِتٰبِ وَاَقِمِ الصَّلٰوةَۗ اِنَّ الصَّلٰوةَ تَنْهٰى عَنِ الْفَحْشَاۤءِ وَالْمُنْكَرِ ۗوَلَذِكْرُ اللّٰهِ اَكْبَرُ ۗوَاللّٰهُ يَعْلَمُ مَا تَصْنَعُوْن

“Baca ku andika (Muhammad) naon-naon anu diwahyukeun ka andika tina alkitab (Qur'an) jeung lakonan solat. Saestuna ngalakonan solat teh matak nyegah tina ngalakonan pagawean anu goring (Dosa) jeung anu munkar (Dilarang). Jeung ari dikir (tegesna eling) ka Allah eta teh ganjarana panggedena. Jeung Allah teh Mahauninga kana sakabeh pagawean maraneh.” (Al Ankabut ayat 45)

Para hadirin sadaya.

Maksud ieu ayat numutkeun tafsiran Ibnu Mas’ud jeng Ibnu Abbas r.a mah kieu, “Yen Solat anu pangaruhna matak ninggalkeun pagawean anu awon teh nyaeta anu solatna disarengan ku hate anu khusyu’, hate anu gembleng inget ka Allah, sarta sadar yen manehna keur ngadeuheus ka Allah, bari depe-depe ka Allah, sarta ngaraos yen manehna keur munajat, sarta ditingali ku Allah, Zat anu Maha agung.

Sedengkeun solat anu henteu kitu mah moal matak nimbulkeun pangaruh anu kitu, tukang doraka tetep ngalakukeun doraka.

Pidawuh Nabi Muhammad Saw :

من لم تَنْهَهُ صَلَاتُهُ عن الفَحْشَاءِ وَالمنكرِ لم يَزْدَدْ من اللّهِ إلّا بُعْدًا

“Sing saha jalma anu solatna henteu matak nyegah tina pagawean anu matak dosa jeung munkar, maka eta jalma teh tambah jauh tina rohmat Allah” (Riwayat Thobroni)

Ku margi kitu, solat teh janten tihang agama. Kuat atwa henteuna nyekel agama gumantung kana solatna, sakumaha pidawuh kangjeng Nabi Muhammad Saw. :

الصلاة عماد الدين، فمن أقامها فقد أقام الدين ومن تركها فقد هدم الدين

“Ari solat teh tihang agama. Saha jalma anu ngalakonan solat, mangka eta jalma the nangtungkeun agamana jeung saha jalma ninggalkeun solat, maka eta jalma ngarugrugkeun agamana.” (Riwayat Baihaqi)

Malah di akherat oge anu pangpayunna diparios teh ngeunaan solat pisan, sakumaha pidawuh kangjeng Nabi Muhammad Saw :

أول ما افترض الله تعالى على أمتي الصلوات الخمس، وأول ما يرفع من أعمالهم الصلوات الخمس، وأول ما يسألون عن الصلوات الخمس

“Anu pangheulana diwajibkeun ku Allah ka umat kaula, nyaeta ngalakonan solat lima waktu. Amal-amalan umat kaula anu pangheulana diangkat (kalangit), solat lima waktu. Amal-amalan umat kaula anu pangheulana bakal dipariksa teh nyaeta solat lima waktu keneh. “ (Riwayat Al Hakim)

Baca Juga: Teks Khutbah Jumat Terbaru: 3 Amalan Agar Mendapatkan Rumah di Surga 

Para hadirin sadaya

Sajaba ti eta ciri wanci anu eces pisan ngabedakeun antara jalma muslim jeung anu kafir oge ku ngalakonan solat, da pagawean sanesna mah ampir sami antara muslim sareng kafir teh.

Kumargi kitu ibadah solat teh perlu dimumule anu sasae-saena, ulah dilalaworakeun, sanaos repot sakumaha repotna oge, satungtung sanes daruratmah. Sakumaha pidawuh Nabi Saw :

ما من امرئ مسلم يحضره صلاة مكتوبة، فيحسن وضوءها وخشوعها وركوعها، إلا كانت له كفارة لما قبلها من الذنوب، ما لم يأت كبيرة و ذلك الدهر كله

“Teu pati pati aya jalma muslim anu nyanghareupan waktu solat fardu terus manehna wudu anu sampurna, solatna bari khusyu’ (henteu malaweung), ruku’ jeung sujudna beres, anging eta solatna teh bakal jadi kafarat (panglebur) kana dosana anu geus kaliwat, satungtung henteu ngalakonan dosa gede ( ari dosa gedemah bisa leburna ngan ku tobat anu nasuha / nyumponan pasaratanana ). Tah eta kitu teh tina salilana jaman.” (Riwayat Muslim)

Para hadirin sadaya 

Ngalakonan solat fardu teh sajabi ti hikmah anu kasebat tadi anu sakitu pentingna, ngandung deui hikmah ngeunaan kasehatan rohani katut jasmani jeung kamajengan kabudayaan anu rongkah pisan, margi ngalakonan solat teh ngandung hartos deui kana: 

1. Ngawajibkeun ka urang kedah ngartos kana masalah cai anu najis sareng anu suci, anu matak nyegerkeun badan sareng anu henteu. Etateh aya bentena; 
2. Ngawajibkeun nutup orat badan. Eta ngandung hartos kana wajibna ngadegkeun pabrik tinun ka umat Islam, margi kalebet kana kaedah “Sakur perkara anu nyampurnakeun kana pagawean wajib, mangka eta perkara teh wajib deui.” Nyakitu deui fardu kifayah tiasa ngaput/ngajait anggoan oge;
3. Ngawajibkeun mayun ka kiblat, ngandung hartos wajibna ngartos kana elmu bumi;
4. Ngawajibkeun solat bari ngadeg, ruku’ jeung sujud, ngandung hartos diwajibkeun ka umat Islam ngartos kana elmu kasehatan;
5. Ngawajibkeun solat dina waktosna, ngandung hartos diwajibkeun ka umat Islam ngartos kana elmu falak;
6. Dianjurkeun solat di masjid, ngandung hartos diwajibkeun ngartos kana elmu teknologi, sareng hikmah sanesna anu seueur pisan mangpaatna. 

Tah ieu rupi-rupi elmu teh hukum fardu kifayah nyiarna ka sakumna umat Islam. Upami urang nyiar eta elmu sarta diniatan pikeun nyumponan piwarangan Allah, tinangtu kenging ganjaran dunya akherat.

Ku ayana kitu, upami kaum muslimin leres-leres ngartos kana hukum Islam sarta ngartos deui kana hikmahna sareng rajin ngamalkeunana, tangtu kaum muslimin teh bakal jadi kaum anu maju sapertos kaum muslimin di jaman kajayaan Islam kapungkur.

Para hadirin sadaya 

Tadi parantos diterangkeun, yen titik sentral anu utama dina ngahontal hikmah solat anu sakitu agungna, sajaba ti kedah nyumponan kana sarat sareng rukunna, ditambih kedah khusyu’ . Sakumaha pidawuh Allah :

قَدْ اَفْلَحَ الْمُؤْمِنُوْنَ الَّذِيْنَ هُمْ فِيْ صَلٰو تِهِمْ خَاشِعُوْنَ

“Pasti bakal bagja jalma mu’min anu ngalakonan solatna bari khusyu’.” ( QS. Al Mu’minun 1-2)

Ari ngalakonan solat bari khusyu’ teh sakumaha anu diterangkeun dina kitab tafsir Ruhul Bayan juz Vl kaca 67, Ashowi juz lll kaca 93, nyaeta kieu:

“Ari khusyu’ teh ngawengku kana dua rupa, nyaeta lahir jeung batin. Ari khusyu’ lahir, nyaeta solat anu nyumponan kana sarat, rukun katut sunat sunatna, saperti : bandanna tenang, henteu sambarangan gerak atawa usik, sirahna tungkul, ningali atawa neuteup kana tempat sujud jeung sajabana. Ari Khusyu’ batin, nyaeta hatena salawasna inget ka Gusti Allah, ngaraos keur munajat atawa ngadeuheus ka Zat anu salamina ningali, sarta mohonkeun kana urusan sejenna tina rupa-rupa pagawean dunya.”

Para hadirin sadaya

Tah solat anu kitu anu ngandung hikmah anu pohara seueurna the, kahijina matak ngagaduhan hate anu tenang dina mayunan sagala kajadian oge.

Sawangsulna solat anu henteu khusyu’, henteu matak ngahasilkeun kana hikmah anu kasebat tadi, malah henteu matak nyegah kana midamel kama’ saitan, padahal sok solat.

Dawuhna kanjeng Nabi Muhammad Saw :

كَمْ مِنْ قَائِمٍ حَظُّهُ مِنْ صَلاَتِهِ التَّعَبُ وَالنَّصَبُ

“Mangpirang-pirang jalma anu solat, anu ngan sakadar meunang kacape bae hasilna teh.” (Riwayat Ibnu majah jeung Nasa-i)

Akhirna, Mangga urang sasarengan ngaronjatkeun katakwaan ka Allah Swt., ngamumule kana solat ku cara satekah polah, meunngpeung masih keneh dipasihan umur. Kalawan muntang kana hidayah sareng taufik Allah Swt.

بارك الله لى ولكم بِاالْأٰيَاتِ والذِّكْرِ الحكيم وتقبّل منّى ومنكم تلاوته إنّه هو السّميع العليم وقُلْ ربِّ إغْفِر وَارْحَمْ و أنت خيرُ الرَّاحِمِينَ

Khutbah Jumat Bulan Rajab Bahasa Sunda 3

اَلْحَمْدُ للهِ الَّذِىْ أَسْرى بِعَبْدِه لَيْلاً, وَعَرَجَ مِنَ الْمَسْجِدِاْلأَقْصَى اِلَى سِدْرَةِ الْمُنْتَهى, أَشْهَدُ أَنْ لاَّاِلهَ إَلاَّاللهُ وَلاَ مُمَاثِلاً, وَأَشْهَدُ أَنَّ مُحَمَّدًا عَبْدُهُ وَرَسُوْ لُهُ خَيْرٌ النَّبِىِّ أُرْسِلَ, أَللّهُمَّ صَلِّ وَسَلِّمْ عَلَى سَيِّدِنَا مُحَمَّدٍنِّ الْمُصْطَفَى, وَعَلَى اَلِهِ وَأَصْحَابِهِ أَهْلِ صِدْقِ وَالْوَفىَ. أَمَّابَعْدُ: فَيَا أَيُّهَاالْحَاضِرُونْ. أُوْصِيْكُمْ وَنَفْسِى بِتَقْوَاللهِ لَعَلَّكُمْ فَائِزُوْنَ. أَعُوْذُبِااللهِ مِنَ الشَّيْطَانِ الرَّجِيْمِ, بِسْمِ اللهِ الرَّحْمنِ الرَّحِيْمِ. إِنَّ عِدَّةَ ٱلشُّهُورِ عِندَ ٱللَّهِ ٱثۡنَا عَشَرَ شَهۡرٗا فِي كِتَٰبِ ٱللَّهِ يَوۡمَ خَلَقَ ٱلسَّمَٰوَٰتِ وَٱلۡأَرۡضَ مِنۡهَآ أَرۡبَعَةٌ حُرُمٞ .

Hadirin Jamaah Jumat Rahimakumullah,

Sasih Rajab Mudhor anu disebat ku Rasulullah SAW nyaeta bulan anu posisina aya tiantara bulan Jumadil Akhir sareng bulan Sya’ban” disebat bulan Haram, anu asal katana tina al-Hurmat hartosna kahormatan atanapi kamulyaan.

Rajab teh mangrupikeun bulan anu dimulyakeun ku Allah, maka satiap jalmi mu’min kedah ngamulyakeun sasih Rajab iyeu.

Ku cara kumaha urang kedah ngamulyakeun bulan Rajab teh ?

 فَلَا تَظْلِمُوا فِيهِنَّ أَنفُسَكُمْ ۚ وَقَاتِلُوا الْمُشْرِكِينَ كَافَّةً كَمَا يُقَاتِلُونَكُمْ كَافَّةً ۚ وَاعْلَمُوا أَنَّ اللَّـهَ مَعَ الْمُتَّقِين

Hartosna: “Maka aranjeun ulah nganiaya diri aranjeun dina bulan anu opat eta, jeung perangan kaum musyrikin kabeh sakumaha maranehanana merangan anjeun kabeh, jeung kanyahokeun ku anjeun saestuna Allah bakal sasarengan sareng jalmi anu takwa.” ( at-Taubah : 36)

Hadirin Jamaah Jumat Rahimakumullah,

Dina bulan Rajab aya sejarah kelam dina perjuangan Kangjeng Nabi Muhammad SAW. Dina taun kadalapan Kenabian, Kangjeng Nabi SAW mayunana kana rupi-rupi cobaan anu kacida beuratna anu karandapan ku anjeunna sareng pengikutna.

Dina taun eta Kangjeng Nabi nuju aya di kota mekkah, nuju ngemban tugas ngadugikeun Risalah.

Permusuhan jeung ancaman ti kaum Quraisy kacida gedena, tekanan demi tekanan kalintang beuratna. Anjeuna diboikot ku kaum musyrikin anu lumangsung salami 3 tahun.

Teras Kangjeng Nabi SAW, ditimpa musibah nyaeta ku wafatnya Abu Tholib pamanna anu ngasuh jeung anu teras ngajaga anjeuna tina gangguan-gangguan kafir quraisy dina da’wah.

Teras dina taun eta oge anjeunna kedah ikhlas dikantunkeun ku Istrina nyaeta Siti Khadijah, anu teras-terasan ngabantos sareng ngabela da’wahna Rasulullah.

Siti Khadijah istrina Kangjeng Nabi, sareng Abu Tholib pamanna, mangrupikeun dua Jalmi anu disegani ku kafir Quraisy, dina taun eta dipanggil ku Allah SWT

Sahingga Kangjeng Nabi SAW teu ngagaduhan deui pembela anu kuat dina mayunan ancaman sareng panyiksaan ti kafir Quraisy.

Kalintang sedihna Kangjeng Nabi Muhammad dikantunkeun ku Istri anu kacida mulyana dina waktos anu kacida dibutuhkeunana dugikeun ka anjeuna nyarios:

 وَاللَّهِ مَا أَخْلَفَ اللَّهُ لِى خَيْرًا مِنْهَا ، وَقَدْ آمَنَتْ بِى إِذْ كَفَرَ بِيَ النَّاسُ وَصَدَّقَتْنِى وَكَذَّبَنِى النَّاسُ ، وَوَاسَتْنِى مِنْ مَالِهَا إِذْ حَرَمَنِى النَّاسُ وَرَزَقَنِى اللَّهُ عَزَّ وَجَلَّ الْأَوْلاَدَ مِنْهَا ، إِذْ حَرَمَنِى أَوْلاَدَ النِّسَاءِ

Hartosna: “Sareng Allah anu ngagentos anu langkung sae tianjeuna. anjeuna iman kakami saat manusa ingkar ka kami. Anjeuna anu ngabenerkeun kami saat manusa ngabohongkeun ka kami. Anjeuna anu ngahibur kami ku hartana saat manusa pelit. jeung Allah masihan kami anak lalaki saat aya nu ngaharamkeun anak awewe.” (HR. Ahmad)

Saparantosna dikantunkeun ku Abu Tholib RA sareng Siti Khadijah RA, Akhirna Kangjeng Nabi SAW ngizinkeun ka para sahabatna supados hijrah ka Thoif.

Nanging penduduk Thoif, henteu nyambut ka Kangjeng Nabi SAW malahan maranehanana ngusir ka Kangjang Nabi sareng pengikutna bari maledogan ku batu, Akhirna Kangjeng Nabi mulih deui bari kaayaan salirana seueur ku tatu.

Hadirin Jamaah Jum’at Rahimakumullah

Nya dina waktos eta Kangjeng Nabi kacida pisan ngaraos sedih, teras anjeuna ngado’a nyuhunkeun perlindungan kalayan pasrah ka Allah SWT.

Doa anu kacida miris pinuh ku kasedihan, sahingga Allah ngutus hiji Malaikat pangjaga Gunung kanggo nawiskeun bantuan:

“Hei Muhammad, saestuna Allah nguping omongan kaom anjeun ka anjeun. kami malaikat pangjaga gunung, teras Allah ngutus kami ka anjeun pikeun ngalaksanakeun naon anu diparentahkeun ku anjeun, upama anjeun menta ka kami, kami bakal ngahijikeun dua gunung pikeun ngahancurkeun manehanana.

Tapi kumaha waleran Rasululloh ?…“Kami miharep sangkan Allah ngaluarkeun tina sulbi-sulbi manehanana, sahingga jalma-jalma daek nyembah ka Allah anu Esa, jeung henteu Musyrik ku naon-naon bae oge. (HR. Bukhori wa Muslim)

Eta mangrupikeun salah sawios kaluhuran akhlaq Rasulullah SAW anu henteu ngagaduhan rasa dendam oge kebencian, sanajan ka jalma anu aniaya ka anjeuna. Sadaya cobaan beurat anu dialaman ku Rasulullah sareng para sahabatna eta moal sanggup dipayunan ku sadaya jalmi di alam dunya ayeuna.

Salajengna cobaan anu kacida beuratna dina taun eta, maka Allah ngaisrokeun sareng ngami’rojkeun Kangjeng Nabi Muhammad SAW, dina hiji wengi pasna dina wengian 27 Rajab.

Baca juga Amalan Utama Jumat Terakhir Bulan Rajab, Yuk Dilaksanakan

Para Hadirin Jamaah Jum’at Rahimakumullah,

Hayu urang sami-sami tingkatkeun kataqwaan ka Allah SWT, kalayan kataqwaan anu sabener-benerna.

Urang kedah yakin dina taat kana parentah-parentah Allah sareng Rosulna, oge nebihan naon rupi anu dilarang ku Allah sareng Rosulna, utamina nulad atawa nyonto sifat-sifat Rasulullah anu kacida agungna.

Sahingga dina Kasempetan Bulan Rajab anu dongkapna sataun sakali ieu tiasa dimuliakeun ku urang sadaya, ku pirang-pirang amal sholeh boh anu sunat atanapi anu wajib sangkan kenging kabarokahan ti Allah SWT.

بَارَكَ اللهُ لِىْ وَلَكُمْ فِى الْقُرْاَنِ الْعَظِيْمِ اِنَّهُ هُوَ السَّمِيْعُ الْعَلِيْمُ

Baca berita update lainnya dari Sonora.id di Google News

Baca Juga: 3 Khutbah Jumat Awal Tahun Baru 2024, Singkat Tapi Menyentuh Hati