Sonora.ID - Simak contoh sajak sunda pendek berbagai tema berikut ini.

Sajak merupakan karya sastra yang dibuat dengan memperhatikan tata bahasa dan kalimat berirama.

Tak hanya menggunakan bahasa Indonesia, sajak juga sangat populer menggunakan bahasa daerah, salah satunya bahasa Sunda.

Berikut ini Sonora.ID merangkum contoh sajak Sunda pendek berbagai tema yang bisa dijadikan referensi:

1. Hirup

Ka hareup ngarah sajeujeuh
ka tukang ngarah saléngkah
ka hareup lajurkeun tineung
ka tukang ngawawaasna.

Hirup nunggu-nunggu umur
gumelar megat sakarat
bilang ladang kumelendang
ulah mulang ngalongkéwang

Karya: Kadir Tisna Sudjana

Baca Juga: 3 Contoh Teks Sambutan Ketua Panitia Isra Miraj 2024 dalam Bahasa Sunda

2. Sarébu Bulan

Karya Yus Rusyana

Dina hiji peuting urang jalan-jalan duaan
Katilu bulan
Dina hiji peuting urang jalan-jalan duaan
Sarébu bulan
Dina hiji peuting urang jalan-jalan nyorangan
Kadua bulan
Dina hiji peuting taya saurang nu jalan-jalan
Ngan kari bulan

3. Béca

Karya Sayudi

Jalan netek
béca léngkahna ngeteyep
dina sela-sela napas kuda
dina sela-sela warna kota
beuratna muatan beuratna tanggungan
di tukang momot kamelang
di hareup muat kahayang
na beuteung bawana lapar

Baca Juga: 5 Contoh Teks Panata Acara atau MC Bahasa Sunda

4. Sabubuhan Kijang

Karya Komar Soetisna

sabubuhan kijang
keur nyaratuan, sisi
talaga nu tingtrim
nyeblak haté
basa ngawengkang gondéwa
neuteup indungna
reumbay cimata

aya nu rangakgak
matana beureum, rancingas
moal boa nu jadi bapana
jamparing tan kendat lepas
ari ras ka kadar awak
sakieu
geus reauy budak

5. Guru

Guru..
Anjeun pahlawan abdi
Anu ngajaran abdi ku pinuh rasa bungah
Kudu maké naon abdi ngabalesna?

Guru..
Anjeun teu pernah leuseuh, nyerah ngabimbing abdi
Anjeun kawas pahlawan anu terus nya’angan jalan abdi
Anjeun ajarkeun sadaya elmu pikeun ngahontal cita-cita abdi

Guru..
Sanajan urang moal papangih deui..
Nanging anjeun terus aya di haté abdi..
Abdi bakal terus inget kana naséhat anjeun..

Karya: Kustian

Baca Juga: Contoh Teks Ceramah Isra Miraj 2024 Bahasa Sunda, Dilengkapi Pantun Lucu

6. Pamanggih

Salapan bulan ngakandung
Moal aya hiji jalma
leuwih ti indung micinta
indung gudang hampura.

Salapan bulan dikandung
Moal aya hiji jalma
leuwih ti anak nu rumasa
anak gudang dosa.

Salapan bulan ngakandung
pinuh rasa jeung rumasa.

Salapan bulan dikandung
pinuh dosa jeung rumasa.

Karya: Ayatrohaédi

7. Élmu Pengetahuan

Élmu pengetahuan, nyaéta cahaya
Nu ngahadirkeun harepan
Nu ngantebkeun rasa percaya diri
Nu ngajak ka béntang-béntang

Élmu pengetahuan, nyaéta konci
Nu muka pintu dunya
Nu ngabéréskeun masalah
Nu nyieun dunya jadi leuwih hadé

Élmu pengetahuan, nyaéta harta
Nu moal pernah leungit
Nu moal pernah musnah
Nu moal pernah ngarugikeun

8. Pahlawan

Hirup nu pinuh ku perjuangan
Persenjataan nu éléh teu di jadikeun alesan
Perang ngalawan panjajahan
Bajuang kanggo kamerdékaan

Prajurit nu mulih ka asalna
Tong dianggap geus palastra
Perang’na jalan nu di pirido Allah Ta’ala
Janten mangpaat kanggo nagara jeung bangsana

Urang sok poho kana jasana
Nu geus ngorbankeun kahirupanna
Kanyeri nu geus teu di rasa
Sakabéhna kanggo nagara Indonésia

Karya: Fahri Setiono

Baca Juga: 25 Nama Warna dalam Bahasa Sunda, Lengkap dengan Cara Bacanya

9. Cinta
     keur L

Maseuhan cinta ku cimata, enung
tong salempang
najan hirup teu weléh padungdung
kacapi mo’ matak sumbang
da kawatna ranteng ti haté ka haté
ngajentring matak tingtrim

tong hariwang
najan cinta teu weléh beueus ku cimata
ajan kacapi ngjetréng dina laras madenda
satungtung boga kénéh langit jeung béntang kahayang.

Karya: Wahyu Goemilar

10. Langit Ceudeum  

Langit ceudeum

Hate hieum

Hiliwir angin berewit

Angin tuhur nutup kujur

Mawa carita naraka

Bubuara nyesek dada

Hiji-hiji jarji jandela muka

Jalan kunang-kunang

Ngaplak dataran taraha

Digurat kudrat tangara durma

Langit ceudeum

Hate hieum

Saha nu tandang meunang

Saha nu tungkul remuk

Karya: Sayudi Langit

Baca Juga: 10 Contoh Soal PAS Bahasa Sunda Kelas 2 Semester 1 Tahun 2023 dan Jawaban