Boten kraos lampahe wektu wis cepet sanget. Kala wingi rasane aku taksih mlebet kelas 7, bisa tepungan klawan kanca anyar, guyon-guyon, guyu-guyu, tepang klawan Bapak-Ibu Guru ingkang boten nate ngraos bosen anggone ndhidhik sarta mulang.

Sepisan mlebet ing sekolah ngriki, mesthinipun nate ndadosaken Bapak lan Ibu Guru bingung pripun carane ndidikit kita supados dados bocah ingkang mandiri sarta saged ngabekti dhumateng tiyang sepuh, agami, bangsa ugi nagara.

Kula minangka sesulihipun saking kanca-kanca kelas 9 badhe ngaturaken raos matur nuwun ingkang tanpa upami kagem para bapak lan ibu guru.

Awit saking sedaya perjuanganipun lan kaekhlasanipun para bapak lan ibu guru ingkang mucal ing sekolahan ngriki, saged dados lantaran anggen kula sakanca pikantuk biji ingkang sae ing Ujian Nasional.

Salajenge kula lan kanca-kanca ugi nyuwun pangapunten menawi sadangunipun sinau wonten ing SMP ngriki kagungan kathah kalepatan, mboten jarang malah ndamel mangkel manahipun para guru.

Kagem kanca-kanca ingkang sampun lulus, sumangga kita nglajengaken pasinaon dhateng SMA utawi sederajat supados saged mujudaken gegayuhanipun.

Ingkang pungkasan kula nyuwun donga pangestu saking Bapak Kepala Sekolah, Bapak saha Ibu Guru, supados kaliyan kanca-kanca sapurnanipun saking pawiyatan ngriki bakal saged njaga arum sekolah ingkang bakal kaukir ing jiwa raga kula salaminya.

Ingkang pungkasan kula nyuwun agunge pangaksami menawi wonten tembung sarta tumindak kula ingkang kirang mranani dhumateng manahipun panjenengan sedaya, Wassalamualaikum warrahmatullahi wabarrakatuh.

Baca Juga: 5 Contoh Ikrar Halal Bihalal di Sekolah untuk Guru yang Berkesan

Contoh 3

Assalamualaikum Warahmatullahi Wabarakatuh. Ingkang kinurmatan Kepala SMP Negeri 2 Sumbergempol.

Bapak Ibu guru staf sekolah. Para panitia ingkang kula kurmati saha boten kesupen dhumateng para siswa kelas 7 saha 8 saha siswa kelas 9 ingkang kula hormati.

Sumangga kita aturaken puja lan puji syukur dhumateng ngarsanipun Allah SWT, ingkang sampun paring rahmat, taufik saha hidayahipun dhumateng kita sedaya satemah kita saged rawuh ing adicara perpisahan kelas 9 kanthi sehat wal afiat.

Sholawat saha salam mugi katur dumateng junjungan kita Nabi Muhammad Shallallahu Alaihi Wa Sallam dumateng keluarga, sahabatipun ugi kita umatipun. Amin.

Ingkang rumiyin keparenga kula minangka sesulihipun sakin kanca-kanca kelas 7 saha 8 ngaturaken reroncening sambutan ing perpisahan.

Para rawuh ingkang kinurmatan,

Sampun tigang warsa para senior kelas 9 sinau wonten ing pawiyatan menika, mugi-mugi panjenengan saget pikantuk ilmu ingkang migunani saking pendidikan ingkang dipun paringaken dening para guru.

Mugi-mugi sasampunipun lulus saking pawiyatan menika, panjenengan sedaya saged nglajengaken dhateng jenjang ingkang langkung inggil saha saged ndadosaken bangganipun sekolah menika.

Kula minangka wakil saking sedaya siswa kelas 7 nyuwun pangapunten menawi sadangunipun anggen kula matur saha tumindak ingkang boten remen dhumateng panjenengan sedaya.

Kita pamit, mugi-mugi perjuangan kangge nggayuh cita-cita panjenengan saged kasembadan.

Mekaten ingkang saged kula aturaken, nyuwun pangapunten menawi wonten tembung-tembung ingkang kirang remen dhumateng para rawuh sedaya.

Wabillahitaufik walhidayah Wassalamualaikum warahmatullahi wabarakatuh.

Baca Juga: 5 Contoh Pidato Perpisahan Kelas 6 SD saat Kelulusan Sekolah

Contoh 4

Bapak Kepala Sekolah, Bapak/Ibu guru saha Bapak/Ibu wali murid ingkang kula khurmati, saha para kanca ingkang kula tresnani.

Ingkang sepisan sumangga kita sesarengan ngonjukaken puji syukur dhumateng ngarsanipun Allah SWT awit saking kanugrahan lan rohmatipun ing dinten menika kita saged manunggal wonten ing papan menika saperlu ngawontenaken perpisahan.

Wonten ing ngriki kula minangka sesulih saking kanca-kanca kelas 9, badhe ngaturaken agunging panuwun awit saking kersanipun Bapak Kepala Sekolah, guru-guru saha tiyang sepuhipun siswa anggenipun rawuh wonten ing adicara perpisahan menika.

Salajengipun kula badhe ngaturaken agunging panuwun dhumateng Bapak Kepala Sekolah saha para guru ingkang sampun didik kula langkung saking tigang taun.

Mesthine guru-guru sing wis telung taun nyekolahke kita lan ngembangake potensi kita, asring ngalami kuciwane amarga sikap kita.

Nanging, para guru tetep sabar lan ora kendel anggone ndhidhik, mula sepisan malih kula ngaturaken matur nuwun ingkang tanpa upami.

Ing kalodhangan punika kula ugi nyuwun agunging pangapunten menawi salamine kula sakanca sekolah ing ngriki kathah tumindak utawi pitutur ingkang kirang mranani tumrap penggalihing para guru.

Pramila kula nyuwun agunging pangapunten ing dinten menika. Kawula ugi nyuwun tulung supados adhik-adhik kelas sedaya tansah sregep anggene ngupadi ilmu.

Ingkang pungkasan kula dalah kanca-kanca kelas 9 badhe nyuwun pamit saha nyuwun donga pangestu dhumateng para guru, supados saged nglajengaken dhateng SMA ingkang sampun kapilih.

Kula sakanca janji menawi ing SMA mangke kita bakal sregep sinau kanggo njagi aruming nami sekolah kita.

Cekap semanten saking kula. Wassalamualaikum warahmatullahi wabarakatuh.

Demikian 4 contoh pidato perpisahan kelas 9 bahasa Jawa untuk ujian praktek yang dapat menjadi referensi.